ريــــم
ذهبي
عدد المساهمات : 1098
تاريخ التسجيل : 23/02/2010
العمر : 36
 | موضوع: يادي النيلـــــــــــــــــــــــــة  الأحد أبريل 18, 2010 11:40 pm | |
| يادى النيله
كل ماواحد ييجى يصلح
يتلككوا مليون تلكيكه
ويحطوا المنشار فى العقده
ويقولوا الأوطان والوحده
ومانسمعش كلام أمريكا
إحنا هنطرح خطه بديله
يادى النيله
مانتوا سمعتوا كلامهم ياما
طب ماعلينا
ايه الخطه اللى راسمها لنا
[/size][size=21]التغيير مايجيش بالقوه
والإصلاح يبدأ من جوه
حاجه جميله .. إتوكلنا
يعنى هتدوا الإنسان حقه
دا كل ماواحد يفتح بقه
تستعملوا وياه القوه
يادى النيله
ايه أخرتها ياناس وياكوا
طب ماعلينا
ايه وضع الدستور ف بلادنا
ماتسيب التغيير على راحته
أصبر حبه ماهواش وقته
الإصلاح مايجيش على سهوه
رجعت ريما .. وإتأخرنا
فكرك يعنى دى حاجه وسهله
لسه شعوبنا غبيه وجاهله
يادى النيله
إحترموا الشعب اللى آويكوا
طب ماعلينا
ايه هوه المطلوب ياخوانا
التغيير له بحر غويط
يعنى هنبدا بالتنقيط
علشان مانوسعش الفجوه
حتة حيله .. يللا قدرنا
الأيام مخلوقه ف سته
طيب يعنى هتبدأو إمتى
لسه هنعمل لنا كام ندوه
يادى النيله
صدقت قولت موت ياحمار
طب ماعلينا
والحريه وانتخاباتنا
الأحزاب أشكال وألوان
وأدى مجلس حق الإنسان
والتفعيل للمرأه ودورها
لجل مانطلع بالأوطان
هيه وسيله .. وتقدمنا
يعنى مفيش تزوير وخداع ؟
لا ما نقدرشى نسيبها مشاع
علشان مانجيبش الإخوان
يادى النيله
ماتسيبوا الصندوق يختار
طب ماعلينا
ممكن يبقى الحكم بإيدنا ؟
شكلك كده هتعكر دمى
داحنا يدوب بنقول ونسمى
تشرب شاى ولا أجيب قهوه
يادى النيله
ليه مانتاش متحمل كلمه
طب ماعلينا
أنا رايح ابشر بالجنه
لحظه شويه وقبل ماتمشى
لسه ماقلتش حاجه أخيره
خير إن شالله
الموضوع محتاج لسنين
مش قبل ماتيجى فلسطين
ولما بقول تغيير من جوه
المقصود من جوه العيله
يادى النيله يادى النيله
يادى النيله
منقول
مع تحياتي .... ريــــــــم | |
|
tigergirl
Admin
عدد المساهمات : 1335
تاريخ التسجيل : 23/02/2010
العمر : 42
الموقع : primrose.yoo7.com
| | موضوع: رد: يادي النيلـــــــــــــــــــــــــة الإثنين أبريل 19, 2010 3:14 pm | |
| هههههههههههه
حلوة هو دة فعلا الحال | |
|
polaris
ذهبي
عدد المساهمات : 1228
تاريخ التسجيل : 25/02/2010
| | موضوع: رد: يادي النيلـــــــــــــــــــــــــة الثلاثاء أبريل 20, 2010 12:36 am | |
| | |
|
ريــــم
ذهبي
عدد المساهمات : 1098
تاريخ التسجيل : 23/02/2010
العمر : 36
| | موضوع: رد: يادي النيلـــــــــــــــــــــــــة الثلاثاء أبريل 20, 2010 2:56 am | |
| شككككككككككككككككككككككككككككككككككرا | |
|
