رحم زمان كان فيه المصريين ....... مصريين

انا على عكس ناس كتير مش شايف المشكله فى حسنى ونظامه انه بيسرقنا وبينهبنا ان هى ديه المشكله الاساسيه لانى مقتنع ان كل حكام العالم من دول عالم اول وثانى وثالث كلهم حراميه وتجار سلاح وبيتربحوا من مناصبهم
بس الفرق بين عندنا وعندهم ان عندنا بيزيدوا عليهم فى مصيبه وكارثه كبيره انهم بيهدونا من جوا بينتزعوا مننا كل اصاله وصفات طيبه من جوانا احنا كشعب يوم عن يوم بنفقد صفه من صفاتنا الطيبه وقارن بين اجدادنا وابائنا وبين الشيوخ والشبابا والاطفال ارسم منحنى بيانى للصفات الطيبه فينا بالترتيب اللى بقولك عليه ده اجدادنا ثم ابائنا ثم شيوخنا ثم شبابنا ثم اطفالنا هتلاقى المنحنى تنازلى وتنازلى بقوه جدا بمرور الزمن بنفقد طبيعتنا وثقافاتنا وعاداتنا بنفقد صفات المصريين يوم عن يوم كل يوم بيتطلع جذورنا من الارض وشجرتنا بتميل واخشى ما اخشاه وقوع الشجره ولو وقعت الشجره مش هينفع نزرعها تانى وفى الوضع الحالى فقدنا معظم الجذور ولازم نلحق باقى الجذور ونثبتها
اعتقد كلنا ممكن نتخيل يعنى ايه شعب بلا يصمه ( كانت بصمتنا الشهامه والتدين والكرم وحب الجار للجار ووجود رجل العائله القائد وترابط الاسره ووحدتها كان من صفتنا وجود الكبير المحترم المهاب القوى كان من صفاتنا ان رجالتنا رجاله وشبابنا رجاله العيل بيطلع يفهم يعنى ايه رجوله واصول حتى لما كانت حكوماتنا قبل الحكومه الحاليه بتسرقنا كنا بصفاتنا واصلنا نعبر المحن )
وده فى راييى لب القضيه قضيتنا ليست فى رئيس او حكومه بتسرق قضيتنا فى رئيس وحكومه تمحينا وحلنا مش تغيير الرئيس والحكومه وخلاص ومشكلتنا مش مين هييجى بعده لا احنا حربنا مش مع ده ولا مع ده احنا حربنا من اجل جذورنا اللى هيحكمنا لازم يثبتلنا جذورنا ويرجعلنا صفاتنا تانى يرجعلنا مصريتنا كمصريين

عشان كده حربى على المستوى الشخصى فى الاساس مع مخطط وليس حكومات وبما ان الحكومات هى المنفذه للمخططات اصبحت حربى مع الحكومات

عشان كده مش هينفع نستنى زى ما بتقول لما نشوف اللى جاى هيبقى شكله عامل ازاى لاننا كالمريض اللى محتاج جراحه لو فضل مستنى كل يوم ييجى دكتور بعلاج سحرى ولا جراحه ولا تعب يبقى السرطان بيزيد وبياخد من عمره كل يوم لحد ما يبنتهى ويموت وهو مفكر انه عايش على الامل وهو فى الحقيقه عايش على سراب
واحب ااقولك ان الطريق الى الجحيم مفروش دائما بالنوايا الحسنه

وده اللى مخلينى مش عارف انام ولا ابقى بنى ادم طبيعى لانى كل يوم بتتسحب منى هويتى ولازم الحق نفسى يا اما اترحم على زمن كان فيه المصريين مصريين

مش عارف انا كلامى ممكن يكون حد غيرى حاسه او لا

بس اللى متاكد منه ان ده واقع حقيقى ولازم نفوق منه ونلحق نفسينا قبل الجذور ما تتخلع وتسقط الشجره

و الله العظيم منقول

مع تحياتي ........ ريـــــــــــــــــــــم

google_protectAndRun("ads_core.google_render_ad", google_handleError, google_render_ad);

الحلفان منقول هو كمان
شكرا ريم على الموضوع

لا انا اللي بحلف

شكرا بولا

ريم انت وديتي ردي فين

و الله انا ماجيتش جنب ردك خالص

شكرا لردودكم

» رحم زمان كان فيه المصريين ....... مصريين